O alumnado de 5º de Primaria desprazouse ao Xardín do Posío a realizar unha actividade sobre “Ciberseguridade” organizada polo Concello de Ourense e o Incibe (Instituto Nacional de Ciberseguridade).

Divertíronse moito e aprenderon estratexias para resolver problemas que poidan xurdir ao facer uso de internet e as tecnoloxías dixitais. 

Este é un aspecto moi importante e animamos ás familias a prestar moita atención e facer un seguimento axeitado cos fillos e fillas cando se movan na contorna virtual. 

Por iso, recomendámosvos visitar a páxina de Incibe www.incibe.es onde atoparedes información para as familias e actividades e xogos para os fillos e fillas. Ademais, recordamos a liña de teléfono 017 na que consultar sobre os distintos aspectos relacionados coa ciberseguridade.