Hoxe tivemos unha estupenda tarde outonal para celebrar os magostos colexiais con moita ledicia. Juan preparou con moito agarimo o lume, o tixolo e toda a infraestrutura para asar as castañas no espazo que hai despois do parque de Infantil. Alí fomos pasando por cursos toda Infantil e Primaria, para recibir as nosas castañas quentiñas, co sorriso de Rosa Santos e de Manuel Gallego. Non faltaron xogos populares que crearon un ambente de festa no patio: xoga-turra, aros, carreiras de sacos, brilé, lanzamento de disco… Tampouco faltou a animación musical, con Epi, o bombo e as pandeiretas…

Un feliz remate da semana ao día seguinte de San Martiño. Deixámosvos unha manchea de imaxes para a lembranza…