O alumnado de Secundaria que pertence ao clube de lectura “Tragalibros” tivo unha reunión para deseñar a proposta de actividades para o mes de abril, mes do libro por excelencia ao coincidir nese mes o día do libro infantil e xuvenil (2 de abril, coincidindo coa data do nacemento do escritor danés Hans Christian Andersen) o día do libro (23 de abril, coincidindo coa morte de Cervantes e Shakespeare)

Esta actividade organízase desde o EDLG (Equipo de Dinamización da Lingua Galega) do propio centro educativo en alianza coa Asociación Xuvenil Amencer, dentro das XIII Xornadas da Lingua que o centro está a desenvolver.